loading

Tollywood Movies

సమ్మె.. అదే నాకు నచ్చని పదం: రజనీ

By Aone Films - 08/02/2017

loading
Latest News

సమ్మె.. అదే నాకు నచ్చని పదం: రజనీ

దక్షిణ భారత చలనచిత్ర కార్మికుల సంఘాల సమాఖ్య (ఫెప్సీ), తమిళ నిర్మాతల మండలి మధ్య సయోధ్య కుదరని కారణంగా పలు తమిళ చిత్రాల షూటింగ్‌ వాయిదా పడిన సంగతి తెలిసిందే. మరికొన్ని చిత్రాల షూటింగ్‌ మాత్రం ప్రత్యామ్నాయ యూనిట్లతో యథాతధంగా కొనసాగుతోంది. ఈ నేపథ్యంలో ఈ అంశంపై సూపర్‌స్టార్‌ రజనీకాంత్‌ స్పందించారు. ఇరు వర్గాలు సమస్యపై చర్చించుకోవాలని అనుకూలమైన పరిష్కారాన్ని కనుగొనాలని విజ్ఞప్తి చేశారు. ‘నాకు నచ్చని కొన్ని మాట్లల్లో సమ్మె ఒకటి. సమస్య ఏదైనా కానీ.. మనం మన ఇగోలను పక్కనబెట్టి ప్రజల బాగు గురించి ఆలోచిద్దాం. చర్చల ద్వారా మనం ఎప్పుడూ ఓ పరిష్కారాన్ని కనుగొనగలం. ఓ సీనియర్‌ నటుడిగా నిర్మాతల మండలి, ఫెప్సీకి విజ్ఞప్తి చేస్తున్నా.. మీరిద్దరూ మాట్లాడుకుని ఈ సమస్యకు ఓ మంచి పరిష్కారంతో రండి’ అంటూ సూచించారు. కథానాయకుడు విశాల్‌ ఆధ్వర్యంలోని తమిళ నిర్మాతల మండలి ఇటీవల ఫెప్సీలో సభ్యులు కాని టెక్నీషియన్లను నిర్మాతలు తమ చిత్రంలో తీసుకునేందుకు అనుమతినిచ్చింది. దీంతో వివాదం మొదలైంది. ఈ సందర్భంగా నిర్మాతలు వర్కర్స్‌కు తగిన డబ్బులు చెల్లించేందుకు ఎప్పుడూ సిద్ధంగా ఉన్నారని అయితే కొందరు ఫెప్సీ వర్కర్స్‌ ఇష్టారీతిన రెమ్యునరేషన్స్‌ డిమాండ్‌ చేస్తున్నారని దీంతో నిర్మాతలు తీవ్రంగా నష్టపోతున్నారని ఓ ప్రకటనలో మండలి పేర్కొంది. ఫెప్సీలో దాదాపు 25,000 మంది సభ్యులున్నారు. ఇక మరోవైపు ఫెప్సీ అధ్యక్షుడు ఆర్‌కే సెల్వమణి కార్మికుల జీతాలను పెంచాలని కోరుతూ తాము చేస్తున్న డిమాండ్‌ నెరవెరక పోతే నిరవధిక సమ్మెకు దిగుతామని ప్రకటించారు. దీని ప్రకారం మంగళవారం నుంచి సమ్మెకు దిగడంతో ఫెప్సీలో సభ్యులుగా ఉన్న కార్మికులు ఎవరూ చిత్రీకరణల్లో పాల్గొనలేదు. నిలిచిన ‘కాలా’ చిత్రం షూటింగ్‌ రంజిత్‌ దర్శకత్వంలో రజనీకాంత్‌ నటిస్తున్న ‘కాలా’ సినిమా చిత్రీకరణ మంగళవారం నిలిచిపోయింది. ఈ సినిమా కోసం చెన్నైలో ప్రత్యేక సెట్‌ ఏర్పాటు చేశారు. దీంతో సకాలంలో ఇక్కడ చిత్రీకరణ పూర్తి చేయాలని చిత్ర బృందం భావిస్తోంది. ముంబయి నుంచి కొత్త బృందాన్ని తెప్పించే పనుల్లో ఉన్నట్లు తెలుస్తోంది.

Your Comment
   Comments Details